ძიებაზე გადასვლა მთავარ მენიუზე გადასვლა სიახლეებზე გადასვლა განცხადებებზე გადასვლა მოსახლეობისათვის, ბენეფიციარებისთვისა და სამედიცინო სფეროს წარმომადგენლების კონტენტზე გადასვლა მთავარ გვერდზე გადასვლა
  • კონტრასტი:

  • განლაგება:

  • შრიფტი:

  • A
GEEN
moh.gov.ge
ჩინური საინფორმაციო სააგენტო
28 ივლისი, 2020

ჩინური საინფორმაციო სააგენტო "სინხუა" ეკატერინე ტიკარაძის ინტერვიუს აქვეყნებს

„Covid-19-ის წინააღმდეგ ბძოლაში საქართველოს პრიორიტეტი მოქალაქეების ჯანმრთელობაა“ -  ამ სათაურით აქვეყნებს ჩინური საინფორმაციო სააგენტო „სინხუა“ ჯანდაცვის მინისტრის, ეკატერინე ტიკარაძის ინტერვიუს. გამოცემა კორონავირუსთან ბრძოლაში საქართველოს მიღწეული წარმატებით დაინტერესდა.

“საქართველომ წარმატებით შეძლო ვირუსის გავრცელების შეკავება და სხვა ქვეყნებსაც კარგი მაგალითი მისცა. როგორც ჯანდაცვის მინისტრი ეკატერინე ტიკარაძე აღნიშნავს, ქვეყანამ პრიორიტეტი მოქალაქეების ჯანმრთელობაზე შეაჩერა“, - აღნიშნულია სტატიაში.

„შეგვიძლია ვთქვათ, რომ საქართველომ დროულად და სწორად შეაფასა ვირუსთან დაკავშირებული რისკები და გამოიყენა ყველა მექანიზმი, რაც ვირუსს ქვეყნის შიგნით გავრცელების საშუალებას არ მისცემდა, ამ დასკვნის გაკეთების საფუძველს კი  რა თქმა უნდა  ჩვენს მიერ მიღწეული შედეგი გვაძლევს“, - აღნიშნავს მინისტრი გამოცემასთან და განმარტავს, რომ აღნიშნული შედეგის მიღწევა შესაძლებელი გახდა ყველა სექტორის, მათ შორის მოსახლეობის აქტიური ჩართულობით. „ჩვენმა საზოგადოებამ კარგად გაიაზრა სიტუაციის მასშტაბები და მათ მიერ გამოხატული მაღალი საზოგადოებრივი პასუხისმგებლობა, სოციალური დისტანცირებისა და მაქსიმალურად სახლში დარჩენის კუთხით, ძალიან დაეხმარა ქვეყანას ვირუსის შიდა გავრცელების შეკავებაში“.

ჟურნალისტი პანდემიასთან ბრძოლის მიზნით, ჩინეთ-საქართველოს ურთიერთთანამშრომლობითაც დაინტერესდა. მინისტრმა გამოცემასთან აღნიშნა, რომ დაავადების გავრცელების პირველივე ეტაპიდან, საქართველომ მნიშვნელოვანი მხარდაჭერა მიიღო ჩინეთის მთავრობის მხრიდან კოვიდ ტესტირების აპარატების, ტესტებისა  და პირადი დაცვის საშუალებების სახით.

მინისტრმა ხაზი გაუსვა, რომ მატერიალური დახმარების გარდა, ქვეყნების სამედიცინო პერსონალისა და დარგის ექსპერტების მონაწილეობით რამდენიმე ვიდეო კონფერენციაც გაიმართა, რომელიც Covid-19-ის ეპიდზედამხედველეობის, ლაბორატორიული დიაგნოსტიკის, დაავადების კონტროლისა და მკურნალობის საკითხებს ეხებოდა.

სტატიის ბმული ➡️ https://bit.ly/30RyF8E

დევნილთა, ეკომიგრანტთა და საარსებო წყაროებით უზრუნველყოფის სააგენტოდამოკიდებულების პრევენციის სერვისიდევნილებისთვის - იცოდე შენი ქულასოციალური მომსახურების სააგენტოსსიპ სამედიცინო და ფარმაცევტული საქმიანობის რეგულირების სააგენტოსოლიდარობის ფონდიადამიანით ვაჭრობის მსხვერპლთა, დაზარალებულთა დაცვისა და დახმარების სახელმწიფო ფონდიდაავადებათა კონტროლისა და საზოგადოებრივი ჯანმრთელობის ეროვნული ცენტრიფსიქიკური ჯანმრთელობისა და ნარკომანიის პრევენციის ცენტრიშრომის ბაზრის საინფორმაციო სისტემააჭარის ავტონომიური რესპუბლიკააფხაზეთის ავტონომიური რესპუბლიკის ჯანმრთელობის და სოციალური დაცვის სამინისტრო