ძიებაზე გადასვლა მთავარ მენიუზე გადასვლა სიახლეებზე გადასვლა განცხადებებზე გადასვლა მოსახლეობისათვის, ბენეფიციარებისთვისა და სამედიცინო სფეროს წარმომადგენლების კონტენტზე გადასვლა მთავარ გვერდზე გადასვლა
  • კონტრასტი:

  • განლაგება:

  • შრიფტი:

  • A
GEEN
moh.gov.ge
ინფორმაცია თბილისის ბინების განაწილების შესახებ
07 მაისი, 2019

ინფორმაცია თბილისის ბინების განაწილების შესახებ

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის  სამინისტრო უახლოეს მომავალში, თბილისში,  ბინას 800-ზე მეტ დევნილ ოჯახს გადასცემს.

ახალაშენებულ კორპუსებში საცხოვრებელი ფართის მიღების მოთხოვნით განაცხადი    11 000-მდე იძულებით გადაადგილებულმა ოჯახმა შეავსო. დევნილი ოჯახების მიერ წარმოდგენილი დოკუმენტაციის საფუძველზე, გრძელვადიანი განსახლების კრიტერიუმების შესაბამისად, თითოეულ აპლიკანტს წინასწარი ქულა მიენიჭა. აღნიშნული ქულები სამინისტროს ვებ-გვერდზე გამოქვეყნდა.

სიის გამოქვეყნების შემდგომ, დევნილ ოჯახებს დამატებით დოკუმენტაციის წარმოდგენისათვის 15-დღიანი ვადა მიეცათ და ეს პროცესი 7 მაისს დასრულდა. 15 სამუშაო დღის ვადაში, დიდი რაოდენობით დოკუმენტაცია შემოვიდა, რომლის საფუძველზეც დევნილი ოჯახების განაცხადები გადაფასდება. კორექტირებული სია სამინისტროს ვებ-გვერდზე 15 მაისს გამოქვეყნდება.

ბინების რაოდენობის გათვალისწინებით, დევნილთა საკითხების შემსწავლელი კომისია განსაზღვრავს, თუ რამდენ ოთახიან ბინაზე რამდენ ქულიანი იძულებით გადაადგილებული ოჯახები დაექვემდებარებიან მონიტორინგს.  

ამ ეტაპზე, თბილისში 258 ერთოთახიანი, 146 ოროთახიანი, 399 სამოთახიანი და 22 ოთხოთახიანი ბინა ნაწილდება. 

გამოქვეყნებულ სიაში მინიჭებული ნომრები, პირობითია და არ განსაზღვრავს საცხოვრებელი ფართის გადაცემის რიგითობას. მონიტორინგის განყოფილება მინიჭებულ ქულებს გადაამოწმებს და დევნილი ოჯახების საცხოვრებელ პირობებსა და საჭიროებებს ადგილზე შეისწავლის. გადამოწმებული განაცხადები, დევნილთა საკითხების შემსწავლელ კომისიას წარედგინება, რომელიც თითოეული ოჯახის საკითხს ინდივიდუალურად განიხილავს და  გადაწყვეტილებას მიიღებს, რის შემდგომაც საბოლოო სია გამოქვეყნდება.  

ბინების განაწილების პროცესი გამჭვირვალედ წარიმართება და მასში ჩართულები იქნებიან სახალხო დამცველის აპარატისა და არასამთავრობო ორგანიზაციების წარმომადგენლები.

დამოკიდებულების პრევენციის სერვისიდევნილებისთვის - იცოდე შენი ქულასოციალური მომსახურების სააგენტოსაარსებო წყაროებით უზრუნველყოფის სააგენტოსსიპ სამედიცინო საქმიანობის სახელმწიფო რეგულირების სააგენტოსოლიდარობის ფონდიადამიანით ვაჭრობის მსხვერპლთა, დაზარალებულთა დაცვისა და დახმარების სახელმწიფო ფონდიდაავადებათა კონტროლისა და საზოგადოებრივი ჯანმრთელობის ეროვნული ცენტრისსიპ წამლის სააგენტოშრომის ბაზრის საინფორმაციო სისტემააჭარის ავტონომიური რესპუბლიკააფხაზეთის ავტონომიური რესპუბლიკის ჯანმრთელობის და სოციალური დაცვის სამინისტრო